Les mots surlignés font l'objet d'une note
1Monsieur, estant venu en ce pais pour pourvoir à quelques miens
2affaires et par la permission et congé de la reyne de Navarre
3ma maistresse, monsieur de Sauve mon frère mauroit envoyé une
4commission de creue et daugmentation de cent cinquante hommes pour ma
5compaignie pour lesquelz recouvrer jaurois presenté ladite commission à monsieur
6de Joyeuse affin davoir son attache, laquelle liberallement il
7mauroit octroyée ainsi que pourrés veoir sil vous plaict par
8et me mectant en debvoir de faire ladite creue, jaurois esté attainct
10dune fievre que mauroit contrainct denvoyer au cappitaine Mornas mon
11enseigne du païs de Vivarois loriginal de madite commission et ayant
12toutesfois receu une coppie affin de son costé faire dilligence de
13lever partie des souldatz quil me commendrons avoir et
14madvertir la levée faicte, de la quantité quil en pourroit avoir
15pour nous joindre ensemble près du Pont St Esprit, afin
16de nous acheminer en Piedmont où est ma compaignie. Ce
17jourdhuy, il ma escript que à loccasion de certains lieux que
18sont possedez par ceulx de la religion, il ne pourroit se joindre
19avec moy et estoit contrainct prendre autre chemin et
20plus seur quil luy seroit possible avec le nombre de soixante
21hommes seulement et de moy, monsieur, je nen ay recouvert
22que envyron quatre vingtz que nest pas en tout le nombre
23quil a pleu au roy me accorder, lesquelz je desire soubz votre
24bon plaisir faire passer par votre gouvernement où je
25nay voulu entrer sans votre commandement et licence combien
26que je soys sur le bord ; parquoy, monsieur, je vous suplie
27en faveur de mondit sieur de Sauve mon frère, auquel je
28ne feray faute de luy faire entendre me vouloir octroyer le
29passage de madite compagnie par votre gouvernement soubz
30promesse que vous nen recepviés aucune plaincte et que je
31feray faire les melheures journées quil me sera possible, enquoy
32[v] Faisant, monsieur, vous mobligerés à vous faire toute ma vie, service
33daussi bon cueur que je prye Dieu
34Monsieur vous donner en santé, heureuse et longue vie. De
35Valvignyères, ce seziesme jour doctobre
36Voutre très humble et très houbeisant serviteur
37Bellicant
3839